Lajme nga vendi
VMRO kërkon mejdan zgjedhor, LSDM thotë se nuk shantazhohen nga Mickoski!
Opozitarja VMRO-DPMNE edhe njëherë ka kërkuar që vendi të shkojë në zgjedhje të parakohshme parlamentare, për shkak, siç theksojnë nga kjo parti, të paaftësisë së kësaj Qeverie për të udhëhequr vendin në rrugë të duhur dhe për të mbrojtur interesat shtetërore të vendit.
Por, nga LSDM-ja në pushtet janë përgjigjur se zgjedhje do të ketë në vitin 2024, atëherë kur duhet të mbahen edhe zgjedhjet e rregullta parlamentare, shkruan PRESSonline.mk
“Edhe për Kovaçevskin është e qartë, prandaj në çdo mënyrë po mundohet të qëndrojë sa më gjatë në kolltukun e kryeministrit. Për të ndalur presionin e pushtetit ndaj deputetëve, LSDM dhe Kovaçevski kanë zgjedhje dhe ofertë nga kryetari Hristijan Mickoski. Nëse Kovaçevski dhe LSDM janë të sigurt se i kanë 80 deputetë, menjëherë pas kthimit të deputetëve në Kuvend, amendamentet kushtetuese duhet t’i vendosin në rend dite të seancës së parë parlamentare. Por, nëse në atë seancë nuk kalohen ndryshimet kushtetuese për përfshirjen e bullgarëve në Kushtetutë, të nesërmen duhet të shpërndahet Kuvendi dhe të zhvillohen zgjedhje të parakohshme parlamentare”, thonë nga VMRO-DPMNE.
Nga kjo parti theksojnë se nëse autoritetet janë të sigurta se ajo që po bëjnë është e drejtë, këtu është një zgjedhje për ta, ose t’i shërbejnë Bullgarisë dhe të ndryshojnë Kushtetutën ose zgjedhje të parakohshme.
Në anën tjetër nga LSDM-ja në pushtet thonë se do të ketë zgjedhje në vitin 2024, ndërsa potencojnë se VMRO-DPMNE dhe Mickoski nuk mund të shantazhojnë askënd.
“VMRO-DPMNE dhe Hristijan Mickoski nuk mund të shantazhojnë askënd. Të gjitha përpjekjet e tyre për destabilizimin e shtetit, të gjitha gënjeshtrat e tyre për gjoja asimilim dhe bullgarizim kanë dështuar, ata nuk kanë më asnjë besueshmëri para qytetarëve. Prandaj Mickoski dhe VMRO-DPMNE janë të hutuar, kërkojnë referendum në mëngjes dhe zgjedhje të parakohshme pasdite. Mickoski nuk di më çfarë të bëjë për të shpëtuar kolltukun e tij në Shtëpinë e Bardhë pasi partnerët e koalicionit dhe partitë e tjera opozitare ia kthyen shpinën. Në vitin 2024 do të ketë zgjedhje në mandatin e rregullt. Deri atëherë, VMRO-DPMNE ka kohë të rishqyrtojë dhe të ndryshojë sjelljen e saj destruktive, antishtetërore në dëm të interesave të qytetarëve dhe shtetit”, thuhet në përgjigjen me shkrim të LSDM-së.(PRESSonline.mk)
Disa qytetarët përmes një nisme i janë drejtuar Gjykatës Kushtetuese për të vlerësuar kushtetutshmërinë e sistemit Safe City. Sipas tyre, përmes dërgimit të sms porosive bëhet shkelja e të drejtave dhe lirive të njeriut, keqpërdoren të dhënat personale dhe cenon sigurinë në trafik.
Përveç nismës në kushtetuese, grupi iniciues ka dorëzuar edhe kallëzim penal kundër ministrit të Brendshëm, Pançe Toshkovski mbi dyshimet për shpërdorim me detyrën zyrtare, punë të pandërgjegjshme dhe keqpërdorim i të dhënave personale. Në nismë është potencuar edhe drejtësia selektive dhe diskriminimi gjeografik.
Lajme nga vendi
Strasburgu e obligon Maqedoninë: Brenda 3 muajve duhet të paguajë borxhet e ndërmarrjeve publike
Maqedonia humbi rastin në Gjykatën Evropiane për të Drejtat e Njeriut – shteti është i detyruar brenda tre muajve të paguajë borxhet e ndërmarrjeve publike ndaj kompanive private, sepse nuk janë respektuar vendimet e gjykatave që kanë marrë fuqi ligjore, përcjell TV21. Vendimi konstaton se me të ashtuquajturat “korniza” nga Ligji për Ekzekutimin, është shkelur Neni 6 i Konventës Evropiane – e drejta për një proces të drejtë dhe për ekzekutimin e vendimeve gjyqësore.
Borxhlinjtë më të mëdhenj janë “Nomagas”, Hekurudhat – Transport dhe Infrastrukturë dhe EMV. Gjykata Evropiane thekson se mungesa e buxhetit ose e burimeve nuk mund të shërbejë si justifikim për mos-ekzekutimin e vendimeve gjyqësore./tv21.tv
Komisioni Rregullator për Energjetikë ka vendosur të ulë kostot e energjisë elektrike, përcjell TV21. Nga 1 janari, tarifa për përdorimin e sistemit të shpërndarjes së energjisë elektrike Elektrodistribucioni ulet me 3.64%, ndërsa tarifa për përdorimin e sistemit të transmetimit MEPSO ulet me 2.67%. Ulje ka edhe në çmimin e MEMO, me 3.40%.
Me vendimin e sotëm, të gjitha elementet që e përbëjnë çmimin final të rrymës tashmë janë të qarta – çmimi dhe sasia me të cilën është blerë energjia elektrike, shërbimet e operatorëve të rrjetit si dhe blerjet për humbjet në sistem. Tani mbetet që furnizuesi universal EVN Home, nën mbikëqyrjen e KRRE-së, të bëjë përllogaritjen dhe të publikojë çmimet finale sipas blloqeve.
“Pjesa që KRRE rregullon në çmimin përfundimtar ka një ndikim prej rreth 36%”, deklaroi Marko Bislimoski, kryetar i KRRE-së.
Qytetarët çojnë “Safe City” në Kushtetuese
LIGA E PARË: VARDARI KAMPION VJESHTOR
Strasburgu e obligon Maqedoninë: Brenda 3 muajve duhet të paguajë borxhet e ndërmarrjeve publike
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi1 month agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi4 weeks agoUniversiteti i Tetovës shpreh ngushëllime për vdekjen e studentes Daorsa Spahija
-
Lajme nga vendi2 months agoFatmir Limani: Diaspora do të jetë pjesë integrale e projektit tim politik
You must be logged in to post a comment Login