Sezoni i  ri në Ligën e parë të volejbollit për meshkuj pritet të fillojë më  17 tetor ku do të marrin pjesë  12 ekipe të ndara në Ligën A dhe B  me nga 6 ekipe të cilat do luajnë 20 xhiro, 10 në vjeshtë  dhe 10 në pranverë. Në xhiron e parë janë dy derbi: Universiteti i Tetovës – Shkëndija  dhe Susheva – Liria.

Kampionati  në Ligën e parë  të volejbollit  në kategorinë e meshkujve  pritet  të  fillon më  17  tetor, ndërsa  organet e  Federatës së volejbollit janë duke  përgatit   një  sistem  të ri  ku pas xhiros  së  parë  gjashtë  ekipet  fituese do  të  vazhdojnë në Ligën  A, ndërsa gjashtë  ekipet  tjera  në Ligën B.

 Ekipet në të dy grupet A dhe B, do të vazhdojnë të luajnë sipas një sistemi pikësh me katër raunde. Gjatë  gjithë kampionatit  do të  zhvillohen  gjithsejt  20  xhiro, 10  në sezonin vjeshtor  dhe  10 në atë të pranverës.

‘’Për këtë vit ka një risi se do të ndryshojë  sistemi i garave. Xhiroja e parë  do të  luhet  me  vetëm një ndeshje , pra sipas renditjes nga  vitit i kaluar  të kampionatit . Pra  i pari me  të 12-in,  i dyti me  të 11-tin  , i treti me  të 10-tin  e kështu me radhë.  Liga e parë  do të ndahet  në dy grupe , pra  gjashtë të parët do të  mbeten në Super Ligën e Volejbollit, ndërsa  gjashtë  ekipet tjera mos  të them në ligën e dytë, por në rangun e dytë  të Ligës së parë të Maqedonisë ‘’ deklaroi  trajneri Durim Luma

Klubi i volejbollit Shkëndija  pas  10-të ditëve stërvitje  në terren të hapur  në  banjën e Tetovës nga  dita e djeshme  zyrtarisht   ka  nisur  përgatitjet  në sallën e  sportit  te Gjimnazi i  Tetovës

Advertisement

Klubi  i volejbollit  Shkëndija krahas  përgatitjeve  intensive në  fazën e dytë  planifikon të  zhvilloj edhe  disa ndeshje  kontrolluese  me ekipet vendor  dhe ato nga Kosova.

Në xhiron e parë takohen: UGD Shtipi – Janta Volej, Boreci – Vesna Probishtip, Strumica – Majedonija  Xhio, Rabotniçki – Skopje , Susheva – Liria dhe Universiteti i Tetovës – Shkëndija.

Pas disa muajsh pauzë, Jeton Beqiri është pranë rikthimit në futboll. Ish-trajneri i Shkëndijës pritet të marrë drejtimin e skuadrës së Gabala-s në Azerbajxhan, e cila po kalon një start të vështirë në kampionat.

Jeton Beqiri rikthehet në stol, por këtë herë në një tjetër kampionat.

Trajneri që me Shkëndijën u shpall kampion dhe arriti rezultatin më të mirë të një skuadre nga Maqedonia e Veriut në garat evropiane, pritet të marrë drejtimin e Gabala-s.

Lajmi është konfirmuar nga vet klubi azerbejxhanas i cili në faqet zyrtare të rrjeteve sociale ka publikuar pamje të nënshkrimit të marrëveshjes së Jeton Beqirit me klubin nga Azerbejxhani. Tekniku 44-vjeçar ka firmosur kontratë 1+2 vite dhe do të nisë punën më 20 shtator.

Klubi nga Azerbajxhani ka grumbulluar vetëm katër pikë në pesë xhiro dhe aktualisht ndodhet në pjesën e poshtme të tabelës.

Advertisement

Detyra e parë për Beqirin nuk do të jetë aspak e lehtë. Gabala ka përballjen e radhës me Neftçi Bakun.

Në këtë mënyrë, Beqiri do të ketë kohë për ta njohur ekipin dhe për të përgatitur skuadrën për vazhdimin e sezonit.

Gabala nuk është një emër i panjohur në futbollin evropian.

Në stolin e kësaj skuadre në të kaluarën kanë qëndruar emra të njohur si ish-reprezentuesi anglez Toni Adams dhe trajneri rus Yuri Semin.

Tani, detyra për ta ringritur ekipin i besohet Jeton Beqirit.

Advertisement

Në aventurën e re, Beqiri do të ketë pranë vetes edhe Burhan Emrullain, i cili do të jetë ndihmësi i tij i parë. Të dy kanë punuar së bashku edhe te Shkëndija.

Lionel Messi pritet të zhvillojë ndeshjen e fundit me fanellën e Argjentinës më 6 tetor, kur do të përballen me Beninin në stadiumin “Monumental” të Buenos Airesit. 39-vjeçari është përfshirë në listën e Argjentinës për këtë miqësore, e cila pritet të shënojë lamtumirën e tij nga kombëtarja pas një karriere ndërkombëtare prej dy dekadash.

 Lionel Messi pritet të rikthehet për herë të fundit në përfaqësuesen e Argjentinës, në një ndeshje që do të shërbejë si ceremonia e lamtumirës së një prej futbollistëve më të mëdhenj në historinë e këtij sporti.

 Sipas raportimeve të fundit nga ESPN Argentina dhe gazetari Federico Bueno, Federata Argjentinase e Futbollit po planifikon një grumbullim special për kapitenin e kampionëve të botës, me synimin që Messi të ketë mundësinë të përshëndesë për herë të fundit tifozët e “Albicelestes”.

 Edhe pse 39-vjeçari ka lënë të kuptohet se karriera e tij me kombëtaren është drejt fundit, ideja është që kapitulli i fundit të mos mbyllet thjesht me një njoftim, por me një mbrëmje të veçantë në fushën e lojës.

 Messi ka shkruar historinë me Argjentinën, duke fituar Kupën e Botës në Katar në vitin 2022, dy herë Copa América, si dhe medaljen e artë olimpike.

Advertisement

 Tashmë, Federata Argjentinase dëshiron t’i japë kapitenit një lamtumirë në lartësinë e karrierës së tij. Një ndeshje ku “Pleshti” do të veshë edhe një herë fanellën bardhekaltër dhe do të përshëndesë tifozët që e kanë shoqëruar gjatë gjithë rrugëtimit të tij.

 Nëse plani realizohet, kjo do të jetë ndarja përfundimtare e Lionel Messit nga kombëtarja e Argjentinës, pas një epoke që tashmë është pjesë e historisë së futbollit.