Lajme nga vendi
Grubi: Të bëhemi gjithë bashkë në vijën e parë të frontit për Europë
Zëvendëskryetari i parë i Qeverisë dhe ministër për Sistem Politik dhe Marrëdhënie Ndërmjet Bashkësive, z. Artan Grubi sot mori pjesë në Konferencën vjetore të Qeverisë “2023, vit i mundësive të reja për zhvillimin ekonomik dhe integrimin europian.
Më shumë nga interneti
“Politika e qeverisë sonë është e guximshme dhe përparimtare, politikë e zero problemeve me fqinjtë dhe partneritet të plotë rajonal dhe euro-amerikan. Ndërsa, politika e frikës është politikë e regresit, është politikë që mban status quo, dhe kur të gjithë të tjerët përparojnë, ata që ngecin në vend, në fakt shënojnë regres”, është shprehur mes tjerash në fjalën e tij para të pranishmëve, Grubi.
Në vazhdim fjalimi i plotë:
I nderuar kryetar i Qeverisë,
Të nderuar ministra, ambasadorë, shoqëri civile, gazetarë,
Të nderuar qytetarë,
Para një viti, pata thënë që kryefjala e 100 ditëshit të parë të Qeverisë sonë është stabiliteti.
Të gjitha të tjerat i tha Kryeministri tashmë dhe s’dua të përsëritëm, por dua të shpalos disa qëndrime politike në lidhje me aktualitetet shoqërore.
Ne u rizgjodhëm pas një tentative të dështuar në Kuvend për të penguar nisjen e negociatave me Bashkimin Europian me motive për ta shpier vendin tonë në paparashikueshmëri.
Nuk lejuam instalimin e një shumice parlamentare të varur nga Moska që do zgjedhte një Qeveri kukull dhe në shërbim të tjetërkujt, jo të qytetarëve.
Këto përpjekje nuk ndaluan. Kërcënimet e tilla janë përditshmëri e qeverisjes sonë, por kjo nuk na dekurajon. Përkundrazi, na forcon edhe më tepër për ta realizuar atë që premtuam para qytetarëve, barazi, zhvillim, integrim, paqë, siguri dhe stabilitet.
Përveç deklaratës së pavarësisë dhe kushtetutës, vendi jonë ka tre dokumente bazë që mundësojnë realizimin e përcaktimeve tona programore, Marrëveshjen paqësore të Ohrit, Marrëveshjen e Prespës dhe atë të fqinjësisë së mirë.
Pjesën normative të Marrëveshjes së Ohrit e rrumbullakësuam dhe tashmë zbatimi i saj është përditshmëri dhe na mundësoi shoqëri të barabartë, jemi dëshmitar që asnjë vendim margjinalizues, diskriminues nuk është ndërmarrë dhe ska asnjë pengesë në zbatim. Shteti po tregon lojalitet ndaj komuniteteve dhe komunitetet po ia kthejnë me lojalitet. Vendi jonë nuk humbi asgjë, as nga flamuri, aș nga gjuha, as nga komunat, as nga universitet, përkundrazi, u bë shumë më i fortë dhe i qëndrueshëm dhe ky proces ia hapi edhe perspektivën europiane vendit. Edhe pas marrëveshjes së Ohrit, dielli lindi përsëri dhe ne jemi po të njejtët, në po të njejtin vend, por me shoqëri shumë më të shëndoshë.
Marrëveshjen e Prespës e respektuam në tërësi, ndryshuam kushtetutën. Sërish, asnjë e keqe nuk i ndodhi vendit tonë. U bëmë anëtarë të NATO-së, u shumëfishuan investimet e huaja dhe jemi të sigurtë në këto kohëra të vështira dhe të paparashikueshme. Edhe pas Marrëveshjes së Prespës, dielli lindi sërish dhe vendi jonë mbeti aty ku ishte, por shumë më i fortë dhe me shumë miq.
Edhe me Serbinë e zgjodhëm çështjen e autoqefalisë së kishës ortodokse dhe sërish asnjë gjë e keqe nuk na ndodhi.
Edhe marrëveshjen e fqinjësisë së mirë e miratuam edhe në qeveri edhe në kuvend dhe si rezultat, në korrik të vitit të kaluar, më në fund nisëm negociatat për anëtarësim në Bashkimin Europian. Edhe pas kësaj, lindi dielli sërish, dhe po flasim të njëjtat gjuhë që i flisnim, po shkruajmë siç shkruanim, po ndjehemi siç jemi, pa lejuar asnjë imponim, por tashmë si vend që po negocion me Brukselin.
Të nderuar,
Politika e qeverisë sonë është e guximshme dhe përparimtare, politikë e zero problemeve me fqinjët dhe partneritet të plotë rajonal dhe euro-amerikan.
Ndërsa, politika e frikës është politikë e regresit, është politikë që mban status quo, dhe kur të gjithë të tjerët përparojnë, ata që ngecin në vend, në fakt shënojnë regres.
Politikat imponuese nga ana e opozitës, të frikës nga shqiptarët, i demantoi Marrëveshja e Ohrit, asgjë e keqe nuk i ndodhi vendit, të frikës nga grekët, sërish asgjë e keqe nuk i ndodhi vendit dhe i demantoi edhe Marrëveshja e Prespës, por edhe nga marrëveshja e fqinjësisë së mirë nuk i ndodhi asgjë vendit, bashkëqytetarët e mi flasin gjuhën maqedonase tashmë të njohur në Bruksel.
Ata që instalojnë politika të frikës ndaj qytetarëve të tyre dhe paraqiten si kuazipatriot, e duan vetëm pushtetin dhe ta mbajnë vendin të izoluar nga bota perëndimore me shpikjen e frikës inekzisutese për t’i frikësuar qytetarët dhe për ta mbajtur pushtetin si shpëtimtarët e një problemi të sajuar.
Më këto politika absurde të frikës i humbëm 10 vite të jetës sonë.
Sot, po ata që instalojnë frika të paqena, i thonë përfaqësuesve ndërkombëtarë që ne do ta ndryshojmë kushtetutën pasi që të marrim pushtetin dhe i kemi metodat se si, por na duhet pushteti.
Është mirë që këtë ta dinë edhe bashkëpartiaket e tyre. E kanë për pushtet të dashurit e mi, nuk e kanë për patriotizëm.
Prandaj, në kohëra vendimtare, kur i gjithë rajoni po shfrytëzohet si poligon për ndikim, ne, si shumicë progresive, po i sfidojmë të gjithë me Aleancën Europiane.
Kjo rrugë është e vetmja edhe për projektet, autostradat, hekurudhat, deponitë, shkollat, spitalet, çerdhet, edhe për standardin jetësor, edhe për sundimin e ligjit, edhe për luftën ndaj korrupsionit dhe krimit të organizuar, edhe për pastrimin e rradhëve tona shoqërore dhe publike nga instaluesit e frikës dhe penguesit direkt e indirekt të rrugës europiane.
Ejani të gjithë, maqedonas, shqiptarë, turqë, romë, serb, vlleh, boshnjak, parti politikë, shoqëri civile, media, opinion bërës, bota akademike dhe qytetarë në vijën e parë të frontit të Maqedonisë europiane.
Nuk ka më kohë dhe hapësirë për kalkulim dhe mashtrim, ose jeni për Europë ose jeni kundër, nuk ka hapësirë për zonë të ndërmjetme, nuk ka alternativë tjetër ekzituese.
Lajme nga vendi
Mickoski nuk leshon pe për “Safe City”: Nëse duhet edhe Qeveria të bie, jam i përgatitur për këtë rrezik
Kryeministri i vendit Hristijan Mickoski, në emisionin Click Plus në TV21, duke folur për projektin “Safe City”, theksoi se është i përgatitur të marrë rrezik politik, madje edhe nëse kjo çon në rënien e Qeverisë.
Mes tjerash, kryeministri potencoi se qëllimi nuk janë gjobat, por veprimi edukativ dhe parandalues.
“Qëllimi nuk është të arkëtohen gjoba. Së pari, ekziston tolerancë – nëse vozitet deri në 5 kilometra mbi kufirin e lejuar, nuk do të ketë gjobë. Nëse tejkalohet shpejtësia për më shumë se 10 kilometra, atëherë do të ketë sanksione. Por, sërish po e theksoj: qëllimi nuk janë gjobat, por veprimi edukativ dhe parandalues”.
“Nëse kjo Qeveri duhet të bjerë për shkak të ‘Safe City’, e më pas të vijë një Qeveri tjetër që ta shfuqizojë projektin dhe secili të vozisë si të dojë, atëherë në rregull – jam i gatshëm ta marr këtë rrezik”, deklaroi Mickoski./TV21/
Dhjetëra persona që kanë punuar në shtetet e lindjes, sot sërish protestuan përpara Drejtorisë së të Ardhurave Publike në Tetovë për të kërkuar anulimin e vendimit për pagesë të tatimeve. Protestuesit kërkojnë pezullim të menjëhershëm të vendimeve tatimore me efekt retroaktiv, njohje të plotë të dokumentacionit për statusin e jorezidentit dhe transparencë dhe qartësi institucionale.
Protestës së sotme në Tetovë ju bashkangjitën edhe kolegët nga Kumanova. Ata njoftuan se të premten do të kenë takim me drejtoreshën e Drejtorisë së të Ardhurave Publike Elena Petrova. Sipas tyre, Petrova nuk ka pranuar takim në Kumanovë por në zyrat e drejtorisë. Protesuesit njoftojnë se kanë patur një takim jozyrtar me drejtoreshën u janë dhënë shumë premtime por nuk është realizuar asgjë.
“Qëndrimet tona janë të qarta. Të gjitha vendimet që na janë lëshuar të ndërpriten sepse ne kemi punuar nga gjashtë ose shtatë muaj. Ne kemi dëshmi se kemi paguar atje tatime dhe të gjitha dëshmitë që i kanë kërkuar ne i kemi dorëzuar por nuk janë marrë parasysh. Kërkojmë përgjegjësi se pse nuk kanë njoftuar në kohë dhe pas pesë vitesh na kërkojnë të paguajmë tatime kur dihet se këto vendime na janë lëshuar 15 ditë para vitit të ri. Nuk kemi pasur kohë të grumbullojmë dokumentet dhe akoma nuk kemi.Vendimet janë lëshuar, ne kemi pasur kohë 30 ditë ta anikojmë dhe jemi duke e bërë”, tha Zoran Nakovski.
“Në atë takim është dhënë premtim se institucionet qendrore shtetërore do të ndihmojnë që të sigurojmë dokumente, Ministria e Punëve të Brendshme do të na jep vërtetime për hyrje dalje nga shteti me qëllim që ti ato ti sigurojmë si dëshmi se ne në ato momente nuk kemi qenë në shtet. Pra, nuk mund të na thotë dikush se ne jemi rezident por ke qenë 7 ose 8 muaj jashtë shtetit. Pra, duhet të gjejmë gjuhë të përbashkët që këto vendime të stopohen” thotë Zhikica Milanov.
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga drejtoria për të ardhura publike u kishin ardhur me vonesë, për të ardhura të realizuara vite më parë.
Mickoski nuk leshon pe për “Safe City”: Nëse duhet edhe Qeveria të bie, jam i përgatitur për këtë rrezik
Aksident tragjik në Rumani,ku humbën jetën shtatë tifozë të klubit grek PAOK mes tyre edhe dy shqiptarë (video)
Një delegacion nga Universiteti “Nexhbedin Erbakan”, nga Turqia vizitoi UEJL-në
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
