Lajme nga vendi
RMV, prej sot fillon regjistrimi i filloristëve për vitin shkollor 2023/24
Prej sot e deri në fund të majit do të zgjasë regjistrimi elektronik i nxënësve në klasë të parë në vitin shkollor 2023/2023. Regjistrimi bëhet përmes portalit uslugi.gov.mk ku prindërit/kujdestarët duhet të plotësojnë aplikacion, të zgjedhin shkollën dhe t’i bashkëngjisin dokumentet e nevojshme të skanuara. Pasi aplikacioni të pranohet, caktohet data në të cilën nxënësi duhet të shkojë në bisedë me pedagogun në shkollë, njofton Portalb.
Kushtet për regjistrim të filloristëve janë që të ketë mbushur gjashtë vjet deri në fund të vitit kalendarik, të dorëzohet vërtetim për vaksinat e marra të obligueshme për fëmijën, si dhe vërtetime për kontrolle oftalmologjike dhe stomatologjike nga institucione kompetente.
Përjashtimisht, fëmija mund të regjistrohet në klasën e parë në qoftë se deri më 31 janar të vitit të ardhshëm mbush gjashtë vjet, me kërkesë të mëparshme nga prindi, gjegjësisht kujdestari dhe mendim të marrë nga pedagogu ose psikologu në shkollë.
Prindi, gjegjësisht kujdestari, ka të drejtë ta regjistrojë fëmijën në shkollën fillore në rajonin në të cilin jeton ose ku vazhdimisht qëndron. Shkolla fillore mund të regjistrojë nxënës nga një rajon tjetër ose komunë tjetër vetëm në qoftë se ka vende të lira për regjistrim ose në qoftë se nxënësi nga rajoni ose komuna tjetër nuk ka mundësi për të ndjekur mësimin në gjuhën e tij amtare në rajonin ose komunën e tij.
Këtë shërbim dixhital përmes portalit uslugi.gov.mk, MASH e solli para dy vitesh për regjistrim të filloristëve në vitin shkollor 2021/2022.
Ndryshe, në nivel të Maqedonisë çdo vit zvogëlohet numri i nxënësve, duke përfshirë edhe ata të klasës së parë. Nëse në vitin shkollor 2011/2012 në vend kishte 986 shkolla, në dhjetë vjet ky numër u ul në 973. Kjo tregon se në një dekadë janë mbyllur 13 shkolla, pa llogaritur shkollat rajonale në pjesët rurale, pasi Enti Shtetëror i Statistikave (EShS) numëron shkollat që janë qendrore/amë.
Ministria e Punëve të Brendshme i njofton qytetarët se, sipas informacioneve të pranuara nga organet kompetente të Republikës së Greqisë, më 27.07.2026 (e hënë) është paralajmëruar grevë e punonjësve të doganave në pikat kufitare greke Evzoni (Bogorodicë), Dojrani (Dojran) dhe Niki (Mexhitli).
“Gjatë periudhës nga ora 05:00 deri në 09:00 sipas kohës së Maqedonisë (06:00–10:00 sipas kohës së Greqisë), në këto pika kufitare, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë, si për hyrje ashtu edhe për dalje nga Republika e Greqisë”.
“Ministria e Punëve të Brendshme do të ndërmarrë të gjitha masat e nevojshme dhe do të angazhojë të gjitha kapacitetet njerëzore dhe teknike për menaxhimin e situatës”, – thonë nga MPB.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të rinj, përkatësisht persona që për herë të parë kanë kërkuar ndihmë mjekësore, çka tregon një ulje krahasuar me një ditë më parë.
Në Spitalin e Përgjithshëm “Dr. Ferid Murad” në Gostivar janë regjistruar gjithsej 117 vizita të reja, prej të cilave 82 në repartin e sëmundjeve infektive (pa shtrime të reja në spital dhe me tre pacientë të liruar), 40 në repartin e pediatrisë dhe 7 vizita në Qendrën e Urgjencës.
Në Shtëpinë e Shëndetit në Gostivar janë regjistruar 80 vizita të reja në shërbimin kujdestar, si dhe 13 thirrje në Shërbimin e Ndihmës së Shpejtë.
Lajme nga vendi
Hetime për kredinë hungareze 1 miliardë € që mori Maqedonia e Veriut, urdhëron Magyar
Qeveria në Hungari, e udhëhequr nga Péter Magyar, do të hetojë nëse ka pasur keqpërdorim të mundshëm të fondeve shtetërore në lidhje me kredinë prej një miliard eurosh që “Eximbanka” shtetërore ia dha Maqedonisë së Veriut.
Kështu njoftoi dje Magyar, i cili, siç raportuan mediat vendase, ndau se kredia e marrë nga Maqedonia e Veriut është një nga katër rastet e lidhura me “Eximbank”-un, për të cilat sot Ministria e Ekonomisë dhe Energjetikës ka dorëzuar ankesa, shkruan Fokus.
„Ministria e Ekonomisë dhe Energjetikës dorëzoi katër ankesa të enjten për mashtrim të dyshuar në vlerë totale prej një mijë miliardë forintash, në katër raste të ndryshme. Të gjitha kanë të bëjnë me aktivitetet e ‘Eximbank’-ut“ – tha Magyar.
Ai theksoi se kredia u dha në kushte shumë të favorshme me një normë interesi prej 3,25 për qind.
Kredia, tha ai, do t’i kushtojë buxhetit hungarez 90 miliardë forinta (rreth 248 milionë euro) për shkak të diferencave të interesit.
„Kjo paraqet një barrë prej 90 miliardë forintash (rreth 248 milionë euro) për buxhetin hungarez, ndërsa shteti hungarez mori përsipër garanci 100 për qind për kredinë nën udhëheqjen e qeverisë së Orbanit“, tha Magyar.
Sipas tij, norma e interesit me të cilën “Eximbanka” shtetërore i dha kredinë Maqedonisë është shumë më e favorshme se normat e interesit me të cilat kompanitë hungareze dhe qytetarët e vendit marrin hua.(INA)
MPB, të hënën në mëngjes grevë e doganierëve grekë në pikat kufitare
Spanja shpall emergjencën kombëtare për shkak të zjarreve masive, mbi 10 mijë persona evakuohen
Ulet numri i rasteve të qytetarëve që kërkojnë ndihmë mjekësore në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
