Mëngjesin e sotëm janë zvogëluar turmat në pikën kufitare Tabanoc në drejtim të Serbisë fqinje, pasi dje u krijuan kolona kilometrike në dalje nga vendi ynë. Kjo ndodhi në ditën e parë pas zbatimit të sistemit “Qyteti i Sigurt”, i cili parashikon gjoba edhe për makinat me targa të huaj.  Aktualisht, në Tabanoc funksionojnë tetë sportele për pagesën e gjobave për shoferët e huaj, ndërsa kontrolli dhe pagesa e gjobës zgjasin deri në 15 minuta për një shofer.  Procedura tani është organizuar në atë mënyrë që ndahen vetëm automjetet për të cilat është evidentuar shkelje, ndërsa drejtuesit e tjerë vazhdojnë rrugën drejt daljes nga Maqedonia e Veriut.

Ministria e Punëve të Brendshme ka informuar opinionin se është vënë në funksion aplikacioni ueb me ndërfaqe për pajisjet mobile “Qyteti i Sigurt”, i cili në këtë fazë u dedikohet shtetasve të huaj, përkatësisht pronarëve dhe drejtuesve të automjeteve me targa të huaja.

Shoferët me targa të huaja tani mund të ndalohen në pikën kufitare Tabanoc gjatë largimit nga Maqedonia e Veriut, nëse automjeti i tyre paraprakisht është regjistruar nga kamerat e sistemit “Qyteti i Sigurt”.

Përmes aplikacionit, shtetasit e huaj mund të marrin në mënyrë të thjeshtë dhe të drejtpërdrejtë informacione për kundërvajtjet në trafik të evidentuara nga sistemi “Qyteti i Sigurt”, të kenë qasje në urdhërpagesat e lëshuara për kundërvajtje, si dhe t’i paguajnë gjobat në mënyrë elektronike.

Gjatë kyçjes në aplikacion, shoferi duhet të fotografojë ose të skanojë dokumentin e tij të udhëtimit dhe të vendosë targën e automjetit ose automjeteve që përdor në vendin tonë.

Advertisement

Në këtë mënyrë, shoferët e huaj, të cilët me automjetet e tyre evidentohen se kanë kryer kundërvajtje në trafik në territorin e gjithë vendit, do të mund të informohen me kohë dhe në mënyrë të thjeshtë dhe ta rregullojnë detyrimin e tyre, pa pasur nevojë për ndalesa shtesë në pikat kufitare.

Kontrolli nuk vlen vetëm për kundërvajtjet e kryera nga dita e zbatimit të sistemit, por edhe për kundërvajtjet e evidentuara më herët, që nga 1 shkurti 2026.

Nëse gjoba nuk paguhet sipas procedurës së paraparë, rasti mund t’i dërgohet gjykatës kompetente.

Dita e parë e zbatimit të “Qytetit të Sigurt” edhe për shoferët e huaj, dje u prit me reagime negative nga turistët që dilnin nga vendi përmes pikës kufitare Bogorodicë në drejtim të Greqisë.

Masa e re shkaktoi krijimin e radhëve të automjeteve, pronarët e të cilave u udhëzuan të paguanin gjobat, ndërsa kishte edhe udhëtarë që nuk ishin të informuar për masën e re.

Advertisement

Në fund të ditës së djeshme, pasi u hapën më shumë sportele për pagesën e gjobave, turma u zvogëlua. Megjithatë, një pjesë e turistëve serbë reaguan me zemërim ndaj masës së re të policisë maqedonase, ndërsa disa deklaruan se në të ardhmen, për të udhëtuar drejt Greqisë, do të përdorin rrugën përmes Bullgarisë.

Dje, në orën 12:25, zyrtarë policorë nga Departamenti Policor në Mavrovë e privuan nga liria një 37-vjeçar nga fshati Duf, për shkak të dyshimit të bazuar se ka kryer veprën penale “rrezikim të sigurisë”. Më herët, në orën 09:00, një 45-vjeçar nga fshati Nikiforovë, përgjegjës në NP Parku Kombëtar “Mavrovë”, kishte raportuar se më 17.08.2026, rreth orës 16:00, 37-vjeçari e kishte kërcënuar përmes telefonit, pasi nuk i ishte lëshuar fletëdërgesë për dru pa pagesë paraprake. Sipas denoncimit, më 18.08.2026, pasi policia ia kishte konfiskuar automjetin transportues, ai kishte hyrë me forcë në zyrën e përgjegjësit në administratën e parkut kombëtar dhe e kishte kërkuar atë. Po ndërmerren masa për zbardhjen e rastit.

……Dje, në orën 11:00, në urën mbi lumin Vardar në rrugën “Braqa Gjinoski” në Gostivar, zyrtarë policorë nga SPB Gostivar e kanë arrestuar një 48-vjeçar nga Gostivari, pasi nën ndikimin e alkoolit kishte prishur rendin dhe qetësinë publike me sjellje të pahijshme dhe shqetësim të kalimtarëve. Pas dokumentimit të plotë të rastit, ndaj tij do të parashtrohet kallëzim përkatës.

……Dje, në orën 13:10, në SPB Tetovë është raportuar se në fshatin Shipkovicë të Tetovës, një 66-vjeçar nga fshati, gjatë kryerjes së punëve në oborrin e tij, kishte rënë nga një mur, me ç’rast kishte pësuar lëndime të rënda trupore, të konstatuara në Spitalin Klinik të Tetovës. Këqyrje në vendin e ngjarjes ka kryer një ekip i SPB Tetovë.

……Dje, në orën 12:45, në Departamentin Policor në Tearcë, një grua 80-vjeçare nga një fshat i Tetovës ka raportuar se rreth orës 12:00, në oborrin e saj, pas një debati të mëparshëm, ishte sulmuar fizikisht nga i afërmi i saj nga i njëjti fshat. Po ndërmerren masa për zbardhjen e rastit.

……Dje, në orën 21:05, në rrugën “Zhelezniçka” në Gostivar, zyrtarë policorë nga SPB Gostivar e kanë privuar nga liria një 20-vjeçar nga Gostivari. Gjatë një kontrolli në komunikacion është konstatuar se ai drejtonte një automjet të tipit “Volksvagen Golf”, me targa të Gostivarit, pa poseduar leje drejtimi. Automjeti është konfiskuar, ndërsa pas dokumentimit të plotë të rastit ndaj tij do të parashtrohet kallëzim përkatës.

Advertisement

……Dje, në orën 21:20, në SPB Gostivar, nga Qendra Shëndetësore e Rostushës është raportuar se tek ata ishte sjellë me lëndime të rënda trupore një 33-vjeçar nga fshati Vidushe. Pas masave të ndërmarra nga zyrtarët policorë, është konstatuar se ai ishte lënduar vetë në shtëpinë e tij gjatë thyerjes së xhamit të derës. Këqyrje në vendin e ngjarjes ka kryer një ekip i SPB Gostivar.

……Dje, në orën 23:10, zyrtarë policorë nga Departamenti Policor në Kamjan e kanë privuar nga liria një 45-vjeçar nga fshati Bogovinë, pas një denoncimi paraprak nga një 41-vjeçare nga Bogovina se rreth orës 21:30, para shtëpisë së saj, ai kishte sulmuar fizikisht djalin e saj të mitur. Ai është mbajtur në stacionin policor dhe pas dokumentimit të plotë të rastit ndaj tij do të parashtrohet kallëzim përkatës.

…..Pas mesnate, në orën 02:00, zyrtarë policorë nga SPB Tetovë i kanë privuar nga liria një 24 dhe një 34 vjeçar, të dy nga fshati Tearcë, si dhe një 41 dhe një 47 vjeçar, të dy nga fshati Gjermë, pasi në një objekt hotelierik në rrugën “Marshal Tito” në Tetovë kishin prishur rendin dhe qetësinë publike me një përleshje fizike mes tyre. Ata janë mbajtur në stacionin policor dhe pas dokumentimit të plotë të rastit ndaj tyre do të parashtrohet kallëzim përkatës.

Më 21.08.2026 në orën 02:00, zyrtarët policorë nga SPB Tetovë kanë privuar nga liria Xh.U.(24) dhe R.Sh.(34), të dy nga fshati Tearcë, si dhe R.B.(41) dhe N.B.(47), të dy nga fshati Xhërmë, sepse në një objekt hotelerik në rrugën “Marshal Tito” në Tetovë kanë prishur rendin dhe qetësinë publike me një përleshje fizike ndërmjet tyre. Ata janë ndaluar në stacionin policor dhe pas dokumentimit të plotë të rastit ndaj tyre do të vijojë fletëdenoncimi përkatës.