Sport
SPANJA KAMPIONE E BOTËS PËR HERË TË DYTË!
Pas 39 ditësh plot emocione, surpriza dhe netësh futbolli, mbrëmë me ndeshjen finale mes Spanjës dhe Argjentinës në mënyrë spektakolare u mbyll edicioni i 23-të Botërori i futbollit që kësaj radhe u mbajt në SHBA, Kanada dhe Meksikë. Fituese e Kupës së Botës doli Spanja e cila në finale pas 120 minuta lojë mundi Argjentinën 1-0. Trofeun ekipit kampion Spanjës, ia dorëzuan presidenti i FIFA-s Giani Infantino së bashku me presidentin e SHBA-s Donald Tramp dhe dhe Mbretit të Spanjës, Felipe VI.
Spanja është kampionia e re e botës. Kombëtarja e drejtuar nga Luis de la Fuente mposhti 1-0 Argjentinën pas kohës shtesë në finalen e madhe të Kupës së Botës 2026, duke ngritur për herë të dytë në histori trofeun më të rëndësishëm të futbollit.
Heroi i finales ishte Ferran Torres, me golin e shënuar minutën e 106-të.
Me këtë sukses, Spanja fiton Kupën e dytë të Botës në historinë e saj, pas triumfit të vitit 2010.
Kupa e Botës 2026 ishte edicioni i parë me 48 kombëtare dhe turneu më i madh i zhvilluar ndonjëherë nga FIFA, me 104 ndeshje të luajtura në SHBA, Kanada dhe Meksikë me 311 gola të shënuar dhe 15 kartonë të kuq, ndërsa ndeshjet nga tribunat e stadiumeve i kanë ndjekur 6,810,966 spektatorë.
Pas përfundimit të finales, ceremonia e ndarjes së medaljeve dhe dorëzimit të Kupës së Botës u zhvillua në praninë e presidentit të FIFA-s, Gianni Infantino, presidentit të Shteteve të Bashkuara, Donald Trump, dhe Mbretit të Spanjës, Felipe VI.
Virale është bërë pamja ku gjatë ceremonisë së finales, Messi shihet me lot në sy, sipas të gjitha gjasave duke përmbyllur një epokë të ndritshme në kampionatet botërore në fanellën e Argjentinës.
Rodri u shpall Lojtari më i mirë i turneut, pasi ishte figura kryesore e Spanjës gjatë gjithë kampionatit, Cubarsi merr çmimin e talentit më të ri, ndërsa golashënuesi më i mirë i këtij Botërori u shpall Kilian Mbappe me 10 gola të shënuar.
Kujtojmë vendi i tretë i takoi Anglisë e cila në ndeshjen spektakolare dhe më të bukurën në këtë kampionat mundi Francën 6-4.
Për shumë gjëra ky Kampionat ishte ndryshe. Kjo u dëshmua edhe me shoun muzikor pas përfundimit të pjesës së parë të finales, ku FIFA e vendosi sipas shembullit të sporteve profesionale amerikane. Për këtë shkak pauza zgjati 27 minuta, 12 më shumë se sa që lejohet me rregullat e FIFA-s.
Para fillimit të ndeshjes u prezantuan Robi Vilijams, Nikol Sherzinger, Laura Pauzini dhe Post Meloun dhe një fjalim inspirativ mbajti edhe Tom Kruzi, kurse në pauza u paraqitën edhe Madona, Shakira, Xhastin Biber dhe BTS.
Edicioni i 24-të Kupa e Botës në vitin 2030 do të mbahet në Spanjë, Portugali dhe Maroko
Kapiteni i përfaqësueses së Argjentinës, Lionel Messi, ka publikuar një mesazh në rrjetet sociale një ditë pas finales së Kampionatit Botëror.
Argjentina u mposht nga Spanja me rezultat 1:0 pas vazhdimeve në finalen e zhvilluar të dielën mbrëma në Nju Xhersi, duke mos arritur ta mbrojë titullin botëror të fituar katër vite më parë në Katar.
“Dhimbja është e madhe dhe do të duhet kohë që kjo plagë të shërohet” – shkruan Messi në Instagram, postim ky që për një kohë të shkurtër mblodhi miliona klikime.
Messi ka falënderuar të gjithë ata që kanë mbështetur kombëtaren e Argjentinës teksa ka uruar edhe Spanjën për titullin e kampionit të botës.
“Sot është e vështirë ta vlerësojmë plotësisht atë që arritëm, por ky ekip arriti në dy finale radhazi të Kupës së Botës. Ju falënderoj nga zemra për çdo mesazh dhe urim. Edhe një herë arritëm të bashkohemi si komb dhe të ndajmë krenarinë e madhe që jemi argjentinas. Gjithashtu dua ta uroj Spanjën për fitimin e titullit” – shkroi Messi.
Ende nuk është e qartë nëse njëri prej futbollistëve më të mëdhenj të të gjitha kohërave do t’i japë fund karrierës së tij me kombëtaren argjentinase.
Messi (39 vjeç) e përfundoi Botërorin si golashënuesi i dytë më i mirë me tetë gola, ndërsa regjistroi edhe katër asistime.
Spanja si kampion i Botës ka përfituar gjithsejtë 51 milion dollarë ndërsa çdo futbollist i ekipit kampion ka përfituar nga 940 mijë dollarë. Argjentina ka përfituar ka përfituar 34 milionë dollarë, Anglia 30 milionë dollarë, ndërsa Franca 28 milion dollarë, ndërsa më pak, pra nga 10 milion dollarë kanë përfituar vendet që u renditën nga pozita e 33-të deri në at të 48 -të
Kampionia e sapo shpallur e botës, Spanja, do të përfitojë një shumë rekord prej 51 milionë dollarësh pasi mposhti Argjentinën dhe u shpall kampion Bote në edicionin e 23-të Kampionati Botërorë i futbollit 2026.
Goli i Ferran Torres në minutën e 106-të i siguroi “La Rojas” titullin e dytë kampion bote, krahas titullin kampion i solli edhe përfitime të mëdha financiare .
Vetëm pjesëmarrja në finale u garantonte secilit prej 26 futbollistëve të Spanjës një shpërblim prej pak më shumë se 550 mijë dollarësh para tatimeve, sipas raportimit të gazetës AS.
Pas fitimit të trofeut, kjo shumë u rrit ndjeshëm, pasi lojtarët do të marrin 45 për qind të fondit prej 51 milionë dollarësh. Kjo do të thotë se secili prej 26 futbollistëve spanjollë do të përfitojë rreth 940 mijë dollarë para tatimeve.
Nga ana tjetër, Argjentina do të arkëtojë 34 milionë dollarë si nënkampione e botës. Deri më tani nuk është bërë e ditur se si do të shpërndahet kjo shumë mes lojtarëve të saj.
Shpërblimet financiare sipas rendiertjes në Kupën e Botës 2026
Kampione – Spanja: 51 milionë dollarë, Nënkampione – Argjentina si nën kampione përfiton : 34 milionë dollarë , Anglia në vendin e tretë përfiton 30 million dollarë, ndërsa Franca në vendin e katërt 28 million dollar. Ekipet nga vendi i pestë deri në tetën si Zvicra, Norvegjia , Belgjika dhe Maroku përfitojnë nga 20 milion Dollar, ekipet nga vendi i 9 deri te i 15-ti përfitojnë nga 15 milionë dollarë,. Ekipet nga pozita e 17 deri në at të 32-të përfitojnë nga 12 milion dollarë ndërsa vendet nga pozita e 33-të deri në ata të 48 përfitojnë nga 10 milion dollarë
Në total, këto shpërblime përbëjnë 703 milionë dollarë nga fondi i përgjithshëm prej 871 milionë dollarësh që FIFA ka ndarë për Kupën e Botës 2026. 168 milionë dollarët e mbetur shpërndahen mes të gjitha kombëtareve pjesëmarrëse, pavarësisht rezultateve të arritura në turne.
Një javë para fillimit të sezonit 2026/2027 në Ligën e parë, ndeshje të fundit kontrolluese zhvilluan Skopje dhe Arsimi. Për dy këto ekipe kjo ndeshje ishte testi i fundit para ndeshjeve kampionate kundër Shkëndijës gjegjësisht Tikveshit.
Klubi i futbollit Arsimi nga ekrani në kuadër të fazës së fundit të përgatitjeve për sezonin 2026/27 që fillon më 25 korrik, të dielën ka zhvilluara ndeshjen e fundit kontrolluese në Lagjen e Autokomndës në Shkup me debutuesin në Ligën e parë ekipin Skopje .
Për trajnerin e ekipit Skopje, Muarem Muarem ishte një fillim i ri, si trajner përgjegjës i ekipit nga Autokomanda .
Dy trajnerët e ekipeve Muarem Muarem i Skopjes dhe Vildan Saliju i Arsimit gjatë 90 minutave në lojë kanë inkuadruar të gjithë futbollistët për të cilët besojnë se në kampionatin e ri do të jenë bartës të ekipeve përkatëse.
Ndeshja në fjalë ka përfunduar 2-1 për ekipin vendas, ndërsa autore të golave ishin Andrej Cvetkovski dhe Jesild Kapllanaj për Skopjen dhe Glogorov për Arsimin.
Kujtojmë se në ndeshjet e xhiros së parë Skopje është mysafire e Shkëndijës në Gostivar, ndërsa Arsimi mysafire e Tikveshit në Kavadar.
MESSI ME MESAZH PAS FINALES: DUHET KOHË QË PLAGA TË SHËROHET!
PASDITE DHE GJATË MBRËMJES NIS MOTI I PAQËNDRUESHËM!
SPANJA KRAHAS TITULLIT KAMPION KA PËRFITUAR EDHE 51 MILIONË DOLLARË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
